الإشراف النسائي

الله يجزاكم خير اللي ردو علي كلكم والخاص فيه رساله بس مافتحت

بالنسبه للاسواره والبطاقه ماعطونا اياها متى نأخذها ؟
واحنا طلبنا متأخرين وحطيتونا متعجلين عاد ما ادري هل بس في الروحه ولا حتى في الرجعه بنكون متعجلين؟

وهل سفرنا 9 الصباح يوم 7؟احنا لماسجلنا قالو 7المساء في يوم 7وماعندنا مشكله في الروحه مشكلتنا في الرجعه وليش اللي ينسق خربط الموضوع كذا الله يهديه هو مهوب يسجل كل شي في الكمبيوتر اثناء مهو يتحدث مع الشخص ويطلع من عنده الرجل متفقين ليش يحصل كذا؟


ثانيا الشنط لما قالو مقاس 22 حست الدنيا وماحصلت الا شنط ماركه عند الجارالله وماهمني قيمتها جبتها بس تفاجئنا بشنط الحمله هو المقاس حول بعض بس حقاتنا ترولي وحقات الحمله تنشال والله مافيني اشيل قراشيعي كلها واللي معي مهوب شايل شنطته وشنطتي بنتمصع قبل نحطها في العربيه:d

نبي نحج مانبي نجلس نعالج المصوع:d

الزبده نقدر نجيب شنطنا ممكن شكلها اكبر لانها قاسيه وترولي وهذيك قماش لاكن انا لما قستها حسيتها حول بعض اللي معي يقول خذي شنطتك انا سئلت الرجال وقال بكيفكم بعدين حنا نلبس ملابس مهوب مناديل:d صراحه ضحكيني على سالفة المناديل والله يكتب لنا حج مبرور سعي مشكور وذنب مغفور ويجزاكم خير

 

 

 

اختي ام محمد بالنسبه لشناطكم تنزلونها بالمخيم بعدين تروحون مباشرة للحرم.
وفيه امانات بإستقبال الرجال .
تحياتي لك.

 

 

 

اخت امل ليش معصبه تونا مابعد جا التعب هذا حج خليك ريلاكس عزيزتي.
بالنسبه للرحله جميع الطائرات الذهاب يوم سبعه يعني مافيه متأخر اومتعجل.
المتأخر والمتعجل فقط بالعوده وصدقيني اللي اتفقتوا علي بالمكتب هو اللي راح يصير ولاتستعجلين بالحكم مابعد وزعوا تذاكر العوده .
وبالنسبه للشنطه موضحين في كتيب الحمله انا راح نعطيكم شنطه .بس بما انك تقولين شريت شنطه قريبه للمقاس حتى لوكانت اكبر بقليل ماعندك مشكله .عزيزتي لوشفتي الشنط اللي يجيبونها الحريم كانت عذرتونا تخيلي يجيبون اكبر مقاس في الطقم بالله هذا وين احصل لها مكان وفي الاخير مين اللي يتذمر ويتضايق انتوا يالحجاج ؛بس ترا الامر فيه مرونه .
واوصيك بالهدوء والصبر ثم الصبر ثم الصبر .
تحياتي لك
.بالنسب للإسوره والبطاقه تستلمونها من مشرف الحافله اذا نزلتوا بمطار جده وركبتوا الحافله.
(امل كم رقم مجموعتك ؟.)

 

 

 

اختي ام فارس انتي داخله حملة حج وليس ثكنه عسكريه .يعني ماراح تشوفين وتسمعين إلا اللي يسرك وبالنسبه للشنط اللي تقدر تلتزم بالمقاس الحمدلله واللي تضطر لتغيير المقاس بأكبر منه مافيه مشكله بس لايكون الفرق كبير .
ارجوا التعاون معنا قدر المستطاع تراها ايام محدوده ااسأل الله ان يتقبل من الجميع ويسهل علينا حجنا ويجنبنا الجدال .
تحياتي لكم جميعا مع اني قايله لكم امس اخر تواجد لي بالمنتدى لانشغالي بالسفر لمكه بس والله ماهان علي اترك استفساراتكم .