الإشراف النسائي

المشاركة الأصلية كتبت بواسطة الإشراف النسائي

أخواتي راح اشرح لكم المقصود بالخيمه المعتمد من وزارة الحج والمعمول به داخل الحمله والكثير من الناس يفهم الخيمه بمفهوم مغاير للواقع فينصدم عندما يأتي للحمله ؛
المقصود بالخيمه مساحة 4×4وحسب تعليمات الوزاره لايزيد عدد الحجاج في هذه المساحه عن 10 حجاج .
لكن من الممكن ان نجد 4×8 او4×12 او اكثر فيصبح العدد كبير كلما زادت المساحه زاد العدد
ففي الأغلب لابد من فتح اكثر من خيمه على بعض وهذا الأمر يتحكم فيه التخطيط الهندسي للموقع وهنا عندما تدخل الحاجه للمجلس تتفاجأ بالعدد وهذي معلومه عامه في جميع الحملات .
اما بالنسبة لمخيمنا فأكبر مجلس فيه 40حاجه وأصغر مجلس فيه 10حاجات .
وحرصا من الحمله على راحة حجاجها قامت بتقليل العدد في الخيمه إلى 9 و8 حجاج حسب التخطيط الهندسي
اتمنى أن أكون قد وفقت في شرح هذه الجزئية التي دائما ما تسبب لبس لدى الحجاج وعدم رضا .
تحياتي لكم جميعا؛؛؛؛

الله يسعد قلبك مو فاهمه طريقة التقسيم
وبعدين طريقه سريرين الي يجي فوق وتحت ليه يعني زحمه او ش القصد

 

 

 

عزيزتي سارونه
بالنسبه لشرح مساحة الخيام اعتقد ان الشرح واضح ولااستطيع اوضح اكثر من كذا بس بعطيك مثال بسيط لعل الشرح يصل لك (عندك فصل بالمدرسه يستوعب فقط 5طاولات يمين و5طاولات يسار يعني صار المجموع 10 طالبات في الفصل لكن هذا الفصل وراه فصلين كل واحد يستوعب 10 طالبات نفس الاول لكن مالهم باب إلا عن طريق الفصل الاول فقامت الاداره وفتحت الجدار الفاصل بين الفصول وصارت مفتوحه على بعض كأنها فصل واحد بس كبير المساحه بس السؤال كم صار عدد الطالبات في الفصل الكبير ؟الجواب 30 طالبه ان شاء الله تكون المعلومه وصلت .
وبالنسبه لسؤالك عن اسباب وضع سريرين تخيلي اذا دخلتي غرفه فيها سريرين منفصلين وغرفه بها سريرين فوق بعض ايهما اوسع في المساحه ؟ففكرة السريرين اعطت المكان رحابه وسعه تزيد من راحة الحاج حيث توفرت مساحه جيده للجلوس والصلاه والاكل دون زيادة في العدد.فالحمله استغلت المكان لكن بطريقه عاموديه وليست افقيه كالمعتاد .