|
حياك الله اخت سكون وأسأل الله لك حجا مبرورا وسعيا مشكورا؛بالنسبه للملابس من وجهة نظري الشخصيه إن الجو عادي جدا وماتحتاجين ان تكون القمصان كلها كم طويل ؛
والناس تختلف من شخص لآخر فإذاكنت من النوع اللي مايتحمل براد المكيف لازم كم طويل اما إذا كان غير كذا فإن شاء الله ماتحتاجين .ويبقى الخيار لك ؛ تحياتي لك. |
الله يوفقك ياارب ويسعدك لردك على استسفساراتنا وسعه صدرك
بس كمان اتحملني اول مره احج وجربت اسال ناس الصدق والكل منهم يعطيني كذا شي يحرروني اولا من كلامك بالنسبة الشنطه يعني نكتفي بالشنطه اللي راح ناخذه من الحمله فقط الشراب هل لازم لبسه اثناء الحرام ولا لا بالنسبه للاحرام احنا بنحرك يوم 7 هل يعني نكون بلبس الاحرام مانغيره الا يوم العيد ولا يجوز لنا نتحمم ونغير لبسنا وماياثر هذا على الحج بالنسبة للعباءة انا عندي عباءتي توصل لحد الارض مو طويله مرره بس تلامس الارض هل تعتبرين هذا طول عادي ولا لازم اقصر منها مع انو استخدمها نفس الطول بالعمره وما اثرت على بس مدري عن الحج ؟ الوان القمصان لازم تكون غامقه ولا عادي اي لون بس مايكون صارخ ؟؟ واسفه ادري طولت واسئلتي كثيرة بس والله مالي غيرك اساله الله يجعلها بموازين حسناتك |
حياك الله اختي سكون؛
بالنسبه للشنطه انا شايفه انها مناسبه . وياليت ياسكون تتطلعين على محضورات الإحرام راح تلقين اجابات لأسئلتك طبعا المرأه ليس لها لبس معين للإحرام اهم شي تجتنب الطيب ويمكن لها تغيير ملابسها في أي وقت ويمكن ان تتحمم .ديننا ولله الحمد فيه سعه . والقمصان وألوانها هذا راجع لذوقك الشخصي مالها علاقه بالإحرام . وبالنسبه للعباءه إذا انتي مرتاحه فيها بعد التجربه فالحمدلله .بس تبين نصيحتي استخدمي الخمار المصري بالمره مريح جدا وهوانسب من العبايه في الحج ولك الخيار. |
تحيه مني لجميع المسؤلين في الحملة .... وتحيه خاصة للأستاذه المشرفة ..
حبيت اسال من وين اقدر اشتري الخمار في الاحساء .. اذا احد يعرف .. ماهي اصعب مناسك الحج ..؟؟ واكيد الطواف بيكون فوق لأن تحت مره زحمة صح او لا ؟؟ |
حياك الله اختي نهى .
بالنسبه للخمار تقدرين تفصلينه لأنه يتكون من قطعتين القطعه الاولى عباره عن بالطو مسكر اوكاب والقطعه الثانيه مثل حجاب العاملات بس طويل على طول اليد واعتقد لو رحتي لأي محل عبايات راح يساعدك . بالنسبه للمناسك إسألي الله ان ييسرها لك ولاتاخذ حيز كبير من تفكيرك .وتذكري ان الأجر على قدر المشقه ؛اسأل الله لك حجا مبرورا وسعيا مشكورا. |
اقتباس:
الله يسعد قلبك مو فاهمه طريقة التقسيم وبعدين طريقه سريرين الي يجي فوق وتحت ليه يعني زحمه او ش القصد |
عزيزتي سارونه
بالنسبه لشرح مساحة الخيام اعتقد ان الشرح واضح ولااستطيع اوضح اكثر من كذا بس بعطيك مثال بسيط لعل الشرح يصل لك (عندك فصل بالمدرسه يستوعب فقط 5طاولات يمين و5طاولات يسار يعني صار المجموع 10 طالبات في الفصل لكن هذا الفصل وراه فصلين كل واحد يستوعب 10 طالبات نفس الاول لكن مالهم باب إلا عن طريق الفصل الاول فقامت الاداره وفتحت الجدار الفاصل بين الفصول وصارت مفتوحه على بعض كأنها فصل واحد بس كبير المساحه بس السؤال كم صار عدد الطالبات في الفصل الكبير ؟الجواب 30 طالبه ان شاء الله تكون المعلومه وصلت . وبالنسبه لسؤالك عن اسباب وضع سريرين تخيلي اذا دخلتي غرفه فيها سريرين منفصلين وغرفه بها سريرين فوق بعض ايهما اوسع في المساحه ؟ففكرة السريرين اعطت المكان رحابه وسعه تزيد من راحة الحاج حيث توفرت مساحه جيده للجلوس والصلاه والاكل دون زيادة في العدد.فالحمله استغلت المكان لكن بطريقه عاموديه وليست افقيه كالمعتاد . |
الله يجزاك خير ويسعد قلبك ويطول عمرك على طاعته
ماقصرتي كان عندي شووووي لبس في الموضووع وانتي ماقصرتي وضحتي |
حبيبتي ام اسامة
شكرا على المجهود الجبار انا كل يوم ادخل اقرأ مشاركاتك المفيدة لاخواتي الحاجات ان شاء الله جزاكي الله عنا كل خير انا سعيدة اوي وبعد الايام عشان نوصل للحج يااااااااااارب على خير ان شاء الله بس معلش انا عايزة اسأل سؤال الحج بالعباية السوداء افضل ام بعباية بيضاء اكيد البيضاء هتتسخ اسرع بس ايهم ملائم اكتر عندنا فمصر اي امرأة تروح حج او عمرة تلبس عباية بيضاء بس هنا فالسعودية بيلبسوا سوداء اعطوني رأيكم الله يخليكم عشان محتارة شوية زوجي يختار الابيض !! وانا اعتمرت من قبل بالاسود!!!!! ايه رأيكم |
معلش عندي كمان استفسار
لحد الان محتارة ان كان الواحد ينوى الافراد او الاقران لاني خايفة ما الحقش اعمل عمرة قبل ما تبدأ مناسك الحج ياترى هيكون في وقت كافي ان اعمل عمرة ان شاء الله قبل ما مناسك الحج تبدأ فى ظل الزحام الشديد؟؟ ام انوى الافراد وخلاص وياترى لو نويت الاقران وما لحقتش اعمل عمرة كده يكون عليا ذنب؟؟؟ اختى ام اسامة هو مافيش قسم للفتوى هنا على الموقع الف شكر لكي |
الاخت سمر حياك الله وأسأل الله لك حجا مبرورا وسعيا مشكورا وشاكره لك متابعتك .
بالنسبه للون العبايه راجع لرغبتك مافيه اي ارتباط من ناحية الشريعه بين اللون والحج ؛لكن اذا حابه الابيض خذي لك 2 عشان سرعة الاتساخ وحتى الاسود ايضا2 وبالنسبه لاسئلتك الدينيه اعذريني عن الاجابه عنها ولا تأخذي الفتيا إلا من اهل الفتيا. ولاتقلقي من ناحية الوقت بإذن الله راح تتيسر الامور ولا اخفيك قد تجدين بعض التعب في البدايه وضعيه في اعتبارك لكن إسألي الله في سجودك التييسير والتوفيق . تحياتي لك . |
السلام عليكم ورحمه الله وبعد الاخت سمر بالنسبه لسؤالك : هو مافيش قسم للفتوى هنا على الموقع نعم يوجد في الموقع قسم للفتاوى تكرمي بالرجوع الى قسم منتدى الحج صفتة - أحكام - محظورات - فوائد - دروس كل مايخص الحاج ستجدين فيه كل مايسرك ويجيب على كل استفسارتكي ان شاء الله تعالى بالنسه لسؤالكي :: معليش عندي كمان استفسار لحد الان محتارة ان كان الواحد ينوى الافراد او الاقران لاني خايفة ما الحقش اعمل عمرة قبل ما تبدأ مناسك الحج ياترى هيكون في وقت كافي ان اعمل عمرة ان شاء الله قبل ما مناسك الحج تبدأ فى ظل الزحام الشديد؟؟ ام انوى الافراد وخلاص وياترى لو نويت الاقران وما لحقتش اعمل عمرة كده يكون عليا ذنب؟؟؟ مما لاشك فيه ان القران افضل كما ان من فضل الله تعالى لايوجد فرق كبير بين عمل المفرد والقارن الا في عملين فقط يسيرين جداً جداً هما بالنيه فالمفرد يقول لبيك حجا والقارن يقول لبيك عمره وحج ثانيا المفرد ليس عليه هدي والقارن عليه هدي هذان فقط هما الفرق بين المفرد والقارن .. السؤال هنا اذا ماهو الفرق بين القارن والمتمتع الجواب في عملين فقط هما 1- النيه \ القارن يقول لبيك عمره بحج والمتمتع يقول لبيك عمره متمتع بها الى الحج 2- في كيفيه اداء العمره \فالمتمتع يعمل عمره مستقله ثم يتحلل منها ثم بعد ذلك ينوي الحج اما القارن قيعمل عمره داخله في الحج اي عمل واحد للحج والعمره والتوضيح هو ان المتمتع يعمل عمره فاذا فرغ منها تحلل اى يجوز له عمل كل شئ حرم عليه بسبب الاحرام ثم ينوى بالحج بعد ذلك .. اما القارن فلايعمل عمره مستقله بل اعمالها داخله في اعمال الحج بمعنى انه يطوف طواف واحد للحج والعمره و يسعى سعي واحد للحج والعمره ويحلق او يقصر مره واحده للحج والعمره معا وهذا يكون بعد الوقوف بعرفه اى في يوم العيد (ايام التشريق) ويجوز للقارن ان يطوف طواف القدوم وهو سنه ويقدم سعي العمره والحج فيبق طواف الافاضه (طواف العمره والحج)يعمله يوم العيد ويحرم تقديمه قبل الوقوف بعرفه اما السعي للحج والعمره فيجوز تقديمه مثل ماقلنا ولكن لابد من عمل طواف وهو طواف القدوم،، فاي عمل يكون للعمره فانه داخل في الحج ثم يبقى للحج اعماله مثل الوقوف بعرفه والمبيت في مزدلفه ومنى ورجم الجمار |
السلام عليكم ورحمة الله وبركاته
سؤالي هو هل اذا وصلنا بأذن الله ورحنا نطوف طواف القدوم هل بأمكاننا نسعى سعي الحج ولا ماينفع بعدين طمنوزني احس اني خايفه مره ولا ادري عن سبب الخوف اول مره بروح مكان بالحالي امي وخواتي مهم معي لا وزحمه وعالم ما اعرفهم وانا خوافه :( |
حياك الله اختي امل /وليه الخوف ؟بإذن الله راح تلقين حنان الأم وصحبة الأخت وصدقيني مشاعرك هذي طبيعيه وكلنا شعرنا فيها اول مره حجينا بس سبحان الله تدخلين مكه وتشوفين الحجاج تتلاشى هذي المشاعر وتتبدل إلى فرحه ومسره وماشاء الله الحاجات في المخيم كأنهم اسره واحده وقلوبهم على بعض ؛وصدقيني راح تنبسطين بجو المخيم والمحاضرات وحلقات الذكر
بس استغليها افضل استغلال ولا تخلين الخوف يسيطر عليك تراه ماله مبرر ؛وراح تذكرين كلامي بعد الحج.:)(شيكي عالخاص). وبالنسبه لسؤالك عن السعي ان شاء الله المشرف الديني ماراح يقصر بالإجابه |
السلام عليكم ورحمة الله وبركاته
ممكن ياعزيزتي تقولين لي اذا نقدر نستلم الشنط والتصاريح في 3/12 يعني بكره عشان يمدينا نرتبها |
اختي ام فارس لابد ان نلتزم بالجدول الزمني المحدد المعد من قبل ادارة الشركه .وذلك لما فيه مصلحة الجميع .
والاغراض اذا كانت مجهزه من قبل ماراح تاخذ منك وقت في وضعها بالشنطه. تحياتي لك. |
الله يجزاكم خير
انا مثلك ياااامل اول مره لي ومااعرف احد ابدا واحس بخووووووف مدري ليه بس الله يسرهاااا والله يتقبل مناااا بس سؤال الاحرام عااادي يجي نص الكم او لا نصااايحكم لنا يالإشراف النسائي وش الاشياااء الضروريه في شنطه الحج وحناااا بنروح بسيارتنااااا بس اذا وصلنا مكه وخلصناااا العمره وشلون نتواصل معكم علشااان نجي للمخيم او نعرف مكان المخيم |
امل وريم دكرتوني بشعور الخوف اللي كنت احس به قبل مااحج واللي تلاشى بعد مادخلت منى
وصرت اتمنى الحج كل عام اتوقع هالشعور جانا من كلام الناس اللي حجوا من سنين طويله وكان فيهامشقه اصبحت الامورميسره بشكل عجيب لاتنسوني من دعواتكم :):) والله ييسر حجكم ويقبله وتوصلون لدياركم سالمين لاتنسون ادا وصلتوا بالسلامه بعدالحج انقلوا لنا شعوركم الآخر.:) انتم مع حملة اسم على مسمى |
الاخت ريم حياك الله
بالنسبه لإحرام المرأه ليس له شروط معينه لا من ناحية اللون ولا من ناحية الشكل . بالنسبه لطريقة الوصول للمخيم لابد من التنسيق بينكم وبين مشرف الحافله المسؤول عنكم .لأن هناك طريقتين للوصول اما ذهابكم للحرم ومن ثم الذهاب الى المخيم مع حافلات الشركه. اوالوصول لمنى وبعد ذلك المخيم وكل ذلك لابد من التنسيق مع المشرف المسؤول . بالنسبه للشنطه اهم شي عبايتين والافضل الخمار وملابس على عدد الايام وشبشب حمام ومصحفك والمواضيع في هذا الامر كثيره ابحثي عنها في النت . تحياتي لك. |
السلام عليكم ورحمة الله وبركاته انا ان شاء الله بحج في هذي الحمله واول مره احج وحابه اسأل بعض الاسئله اول شي هل الحملة توفر بعض الكتب الدينية الخاصة بالحج والادعية وشي ثاني هل استطيع احضار معي مجفف للشعر وشاحن جوال 220 ثلاثي وسؤال اخير ماهي الملابس المناسبة والمسموح فيها داخل المخيم وسامحوني اذا اسئلتي مكررة وجزاكم الله خيرا
|
اشكركم جزيلا على الرد على استفساراتي
الحمد لله الى ان بدأت اتعلم امور الحج وحفظتهم الحمد لله تقبل الله منا ومنكم انا اتأخرت عليكم لان المنتدى ماكان يدخل نهائي من عندي مش عارفة ليه اتمنى اقابل كل النساء الحلوات اللى هنا في المنتدى ان شاء الله وحجا مبرور وذنبا مغفور يااااااارب لينا كلنا |
الاستاذ / حبيب منى
الف شكر على توضيحك لى تقبل الله منا ومنكم صالح اعمالنا وحجا مبرور وذنبا مغفور ان شاء الله |
حياك الله ام محمد
بخصوص الكتب الدينيه راح يوزع كتاب واحد عن المناسك بإذن الله . وبالنسبه للاستشوار على حسب تحمل الكهرباء ممكن نسمح وممكن لا. والشحن جيبي ثنائي لأني مو متأكده من الافياش بس الراجح عندي ثنائي. اما الملابس الممنوعه لبس البنطال والبيجامه والقصير.وما خالف الذوق العام .وما عدا ذلك مسموح. حفظ الله الجميع. |
انا مشتركه معكم بحج 1431 لهذا العام طائره و مصابه بقدم بها شلل اطفال و زوجى بنفس الحمله و السؤال نظرا لصعوبه طواف الوداع باليوم الثانى الخاص بالتعجيل و بالطبع سيكون زوجى معى و على الاغلب سيطوف بى فى الدور الثالث فكيف سيكفى الوقت للعوده الى مكان الحمله للعوده بالطائره لان زوجى حج عده مرات سابقه و ذكر لى ان الطواف سيكون على الاغلب بالدور الثالث و هذا ياخذ 3 ساعات تقريبا بمفرده و خائفه جدا من فوت رحله الطائه للظروف الصحيه برجاء الاجابه بوضوح عن هذه النقطه
|
اقتباس:
وتقبل الله منا ومنكم صالح اعمالنا يارب |
عزيزتي السائله
اكيد راح تطوفين بالدور الثالث واريح لك ومن الممكن استخدام عربيه . بالنسبه لفوات الرحله اطمئني تماما فالوقت اكثر من 3 ساعات . والانطلاق من الحرم سيكون إلى جده مباشره . وبالنسبه للمتعجلين هناك متسع من الوقت كافي قبل الرحله . |
السلام عليكم ورحمة الله وبركاته
سؤال من الاخت (أمـــــــــــــــــــــل) سؤالي هو هل اذا وصلنا بأذن الله ورحنا نطوف طواف القدوم هل بأمكاننا نسعى سعي الحج ولا ماينفع .. ج/ اذا كان الحاج مفردا بالحج فقط او اذا كان قارن فانه يجوز له ان يسعى سعي الحج , كما هو معلوم ان سعي الحج يكون بعد عرفه اي يوم العيد فما بعده , ولكن يجوز تقديم السعي للمفرد والقارن ,, اما اذا كان الحاج متمتع فانه لايجوز له تقديم سعي الحج لانه يجب عليه عمره كامله ثم يتحلل منها ثم يحرم بالحج |
السلام عليكم ورحمة الله وبركاته
سؤال من الاخت (أم مـــحــــمــــــــد) انا ان شاء الله بحج في هذي الحمله واول مره احج وحابه اسأل بعض الاسئله اول شي هل الحملة توفر بعض الكتب الدينية الخاصة بالحج والادعية ج / نعم ولله الحمد يؤمن لكي كتاب فيه تفاصيل اعمال الحج كما انصحكي بكتاب بعنوان(رحله الحج من البدايه للنهايه للدكتور الطيار) فيه تفصيل جميل مبسط وبسعر رخيص تقريبا عشره ريال وكذلك كتب الادعيه |
سؤال عاجل .. بعد الوصول الى جدة من من سيكون باستقبالنا ؟ وهل سيكون هناك عمرة للمتمتع أو لا أو طواااف قدوم
آ مل الاجابة بسرعة :confused: |
السلام عليكم
اسأل الله أن يتقبل منا حجتنا سؤال . أنا بلبس غطاء خفيف عشان الكتمة وبلبس تحتها كمامة . هل هذا في محضور شرعي |
اختي طيوف /حياك الله وراح يكون في استقبالكم بالمطار :
1/مندوب الشركه. 2/مشرف الحافله. 3/دليل الحافله. 4/الحافله اللي رقمها مدون في بطاقتك. وبالنسبه للعمره إذا وصلتوا للمخيم على طول تنزلون العفش بعدين للحرم مباشره. أسأل الله ان ييسر لكم ولجميع الحجاج . |
اختي ام علي حياك الله.
انا كما اسلفت سابقا لاأفتي لكن بنقل لك اجابة الشيخ سعد الشثري البارح في برنامج الجواب الكافي بقناة المجد عندما سئل عن لبس المرأه للكمامه كان جوابه :انه لايجوز لبسها. |
سؤال الاخت طيوف
وهل سيكون هناك عمرة للمتمتع أو لا أو طواااف قدوم بالنسبه للحاج الذي نوى الافراد او القارن فانه يسن له طواف القدوم وان شاء بعده قدم سعي الحج وبالنسبه للمتمتع فانه يجب عليه عمل العمره كامله ثم يتحلل ثم يحرام بالحج فالموضوع كامله متعلق بنيه الحاج وماختار من النسك |
السلام عليكم ورحمه الله وبركاته
لو سمحتى اختى الشنطه صغيره مره يعنى لو قلنا خمس تبديلات مع سشوار ومنشفه وعباتين ماتكفى باالمره حاولت ماتجى وانتى اعرف بااغراض الحريم وصعبه انكم تفرضونها فرض المساله حريه شخصيه لو رجل ميخالف لاكن حرمه ماتكفى والي اعرفه ان همكم راحت الحاج اولا واخير وانا من شفت الشنطه وانا ضايقه ماكفت وماابي اجيب شنطه اكبر واعرض نفسى لموقف انا فى غنى عنه لو سمحتى ردى علي اجيب اكبر او اضيف شنطه اخرى نفس المقاس وشكرا :( |
اختي ام ساره هدي اعصابك والموضوع ان شاء الله بينحل .
وبالنسبه لكلامك ان المسأله حريه شخصيه فأنا اخالفك الرأي مع احترامي لوجهة نظرك .لأن هذا المكان لايجتمع فيه شخص اوشخصين لكن اعداد هائله في مكان محدود المساحه ولو تركنا المجال مفتوح للجميع بدون ضوابط لأصبح المكان ضيق واول من يتذمر هم الحجاج انفسهم .لكن لواضطررتي لحمل شنطه اخرى ارجوا ان تكون بنفس المقاس او اصغر ولا ننسى المصلحه العامه للجميع . أسأل الله لك حجا مبرورا وسعيا مشكورا. |
وبصراااحة أضم صوتي لام سارا .. فعلاً الشنطة صغيرة مرررة ,, ايش الحل .. :rolleyes:
|
متى يتم توزيع البطاقات المدون بها رقم الحافلة ..:)
|
هل سيتم نقلنا للمزدلفة عبر القطار :)
|
مشكورررين والله يعطيكم العافيه ويجزاكم خيرر
وموفقين بإذن الله احس الشنطه كااافيه وماقصرتووووو |
مشكوره ريم .
والحمله غير مشموله بالقطار . والبطاقات راح تستلمونها من المشرف عند صعودكم للحافله. |
| الساعة الآن 12:34 PM. |
Powered by vBulletin® Version 3.7.3
Copyright ©2000 - 2025, Jelsoft Enterprises Ltd.
 |
|
عدد الزوار منذ الافتتاح
|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
